“Мон–Орос Цахим” ХХК 1996 оны 05 сард “Багануур” ХК –нийн санаачлагаар “Шарын гол” ХК, ОХУ–ын “Уралэлектроремонт” концерн, Электромаркет компаниуд хамтран хөрөнгө оруулж Монгол Улсын хэмжээнд цахилгаан машиныг засварлах, мэргэжлийн боловсон хүчнийг бэлтгэх зорилготойгоор анх байгуулагдсан.

2002 онд “Шарын гол” ХК–нийн 5%, Орос улсын 49% -ийн хөрөнгө оруулалтыг Монгол Улсын “Кроун – Эрд” ХХК худалдан авснаар “Мон – Цахим” ХХК болж өөрчлөгдсөн.

Анх жилдээ 180 ширхэг цахилгаан машин засварлах хүчин чадалтай, 16 ажилтантай, 6,3 мега ньютон даралтат хүчээр шахах чадал бүхий Пресс, 1,5 метрийн голчтой 8 метрийн урттай хийцийг зорох, өнгөлөх чадвартай токарийн суурь машинтайгаар байгуулагдаж байсан бол өнөөдөр 577 ширхэг цахилгаан машин засварлах хүчин чадалтай, 57 ажиллагчидтай болж өргөжсөн.

Манай компанийн үндсэн хэрэглэгчид нь “Багануур” ХК, “Шарын гол” ХК, “Шивээ –Овоо” ХК, Улаанбаатар төмөр зам нийгэмлэг, ДЦС–3, ДЦС–4 ТӨХК–ууд, Монросцветмет нэгдлийн харъяа үйлдвэрүүд, Эрдэнэтийн Уулын баяжуулах үйлдвэр, Хөтөлийн цемент шохойн үйлдвэр зэрэг юм. Манай хамт олон харилцагч байгууллагуудын цахилгаан машинуудын захиалгат засваруудыг богино хугацаанд чанарын өндөр түвшинд хийж гүйцэтгэдэг.